ეკონომიკის მინისტრის ნათია თურნავას განცხადებით, მინისტრებს არ რჩებათ იმდენი დრო, რომ ცალკე კომერციული საქმიანობა ჰქონდეთ. ასე პასუხობს ის საერთაშორისო გამჭვირვალობა — საქართველოს კვლევის შესახებ დასმულ კითხვებს.

"თქვენ მთელი დღე უყურებთ ჩემს საქმიანობას. მრჩება ახლა მე, ან რომელიმე ჩემს კოლეგას კიდე რაიმე პირადი ბიზნესისთვის დრო? ეს ხომ აბსურდია", — განაცხადა მან.

არასამთვრობო ორგანიზაცია საერთაშორისო გამჭვირვალობა — საქართველოს კვლევის მიხედვით, საქართველოს მინისტრებისა და მინისტრის მოადგილეების თითქმის ნახევარს, 64-დან 29-ს, უდასტურდება კომერციული ინტერესი. მათივე თქმით, აქედან 22-ს ამა თუ იმ ფორმით, დარღვეული აქვს კანონის მოთხოვნები.

კვლევის მიხედვით თურნავა ის მინისტრია, რომელსაც ბიზნესინტერესები აქვს, მაგრამ დარღვევა არ აღმოაჩნდა.

ფოტო: TI

გაიგეთ მეტი კვლევაზე: