მუსიკოსი ევროპაბეთის ახალ წამოწყებას – პასუხისმგებლიანი თამაში – დადებითად აფასებს და ფიქრობს, რომ ასეთი ტრენდის შექმნას ბიზნესის ამ სექტორში ბევრმა კომპანიამ უნდა დაუჭიროს მხარი.

"კარგია რეკლამების შემცირება, თუმცა საინტერესოა რა შედეგს დადებს ეს, უნდა დახურონ ონლაინ კაზიონოები და გადაიტანონ ქალაგარეთ და ყველა რეკლამა უნდა ჩამოხსხნან და ნაკლები პოპულარიზაცია მოხდეს, რაც ხდება ყველა ნორმალურ ქვეყანაში. აი, მაშინ იქნება წინ გადადგმული ნაბიჯი ქვეყანაში", — განაცხადა ოთო ნემსაძემ Pia.ge-სთან საუბრისას.

მუსიკოსი ამბობს, რომ კარგია რეკლამების შემცირება, თუმცა ამ კონკრეტულ შეთხვევში შესაძლოა, ევროპაბეთის მომხმარებლის სიმცირესთან ჰქონდეთ საქმე.

შეგახსენებთ, რომ დღევანდელ პრეს-კონფერენციაზე კომპანია ევროპაბეთმა საზოგადოებას ახალი სოციალური კამპანია გააცნო — პასუხისმგებლიანი თამაში. კამპანიის ფარგლებში ევროპაბეთი მთლიანად უარს ამბობს გარე რეკლამაზე და კომპანიამ ბილბორდები უკვე ჩამოხსნა, ასევე იზღუდება სატელევიზიო და რადიორეკლამა, ხოლო ინტერნეტრეკლამის შემთხვევაში კომპანია მაქსიმალურად ეცდება, რომ ასაკობრივი შეზღუდვა უზრუნველყოს.