120 ათას დოლარად შეფასებული არტ-ინსტალაცია ქართველმა არტისტმა დევიდ_დათუნამ შეჭამა. საუბარია კედელზე წებოვანი ლენტით მიმაგრებულ ბანანზე, რომელიც არაერთი მედიის ყურადღების ქვეშ მოექცა.

"პატივს ვცემ მაურიციოს, მაგრამ ეს არის მშიერი არტისტის პერფორმანსი", — თქვა დევიდ_დათუნამ.

ვიდეო, სადაც ბანანის ჭამაა ასახული თავად დევიდ_დათუნამ გაავრცელა.

მაიამის სანაპიროზე გამართული Art Basel-ის სახელწოდებით ცნობილი თანამედროვე ხელოვნების გამოფენა-ბაზრობაზე უჩვეულო ექსპონანტი რამდენიმე დღის წინ შენიშნეს. მისი ავტორი იტალიელი მაურიციო კატელანი იყო.

როგორც აღმოჩნდა, ხელოვნების ნიმუშის შეჭმისთვის ქართველ ხელოვანს პასუხისგება არ მოუწევს:

"მას ეს ხელოვნების ნიმუში არ გაუნადგურებია, ბანანი გამოხატავდა იდეას, რომლის ჩანაცვლებაც შესაძლებელია", — განაცხადა გალერეის დირექტორმა.