გამოცემა ლიბერალს, რომელიც ივნისში გუნდმა დატოვა ფინანსური პრობლემები აქვს და შეიძლება, დაიხუროს. გამოცემის ვებგვერდზე ინფორმაცია 29 ნოემბრის შემდეგ არ განახლებულა.

გამოცემის პრობლმებზე ლიბერალის დამფუძნებელმა, შორენა შავერდაშვილმა ფორმულასთან ისაუბრა. შავერდაშვილის თქმით, როგორ გააგრძელებს ლიბერალი მუშაობას გადაწყვეტილი არაა.

"რა თქმა უნდა, მე არავინ გამიშვია სამსახურიდან, უბრალოდ, გვაქვს ფინანსური პრობლემები, რომელთან გამკლავებასაც ვცდილობთ".

ლიბერალის სამმა რედაქტორმა და ყველა ჟურნალისტმა გამოცემის დატოვების შესახებ განცხადება 23 ივნისს გაავრცელეს. მათივე თქმით, წამოსვლის მიზეზი დამფუძნებელთან უთანხმოება და ხედვებს შორის განსხვავება გახდა.

ლიბერალის ძველმა გუნდმა ახალი პლატფორმა Publika.ge შექმნა.