მაშველებმა ჯანდარის ტბაზე დაკარგული ორი მეთევზის ცხედარი იპოვეს. მათ სამი დღის განმავლობაში ეძებდნენ.

ჯანდარის ტბაზე ორი კაცი 2 დეკემბერს დაიკარგა. სავარაუდოდ, ისინი ტბაში ნავით სათევზაოდ შევიდნენ და ძლიერი ქარის გამო უკან დაბრუნება ვერ შეძლეს.

ტბაზე დამატებით ჩავიდა წყალზე სამაშველო ტექნიკა თბილისიდან და ფოთიდან. ადგილზე მობილიზებული იყო მყვინთავთა ჯგუფი. პროცესში ჩართული იყო სითბური დრონი. ტბის მიმდებარე ტერიტორიაზე შეიქმნა საგანგებო შტაბი. პროცესში ჩართული იყო აზერბაიჯანის სამაშველო სამსახურიც.