სანამ მთელ მსოფლიოში უფრო და უფრო მეტი დიზაინერი ამბობს უარს ბუნებრივ ბეწვზე, რუსეთში ბეწვზე მოთხოვნა იზრდება. ქვეყანაში 70-ზე მეტი "ფერმაა", სადაც კვერნებს, წავებსა და სხვა გარეულ ცხოველებს სპეციალურად იმისთვის ზრდიან, რომ მერე მათი ბეწვისგან ტანსაცმელი შეკერონ.

ეს კვერნა სწორედ ერთ-ერთ ასეთ ფერმაში იზრდებოდა, სანამ მისი ამჟამინდელი პატრონი გამოისყიდდა.

ფოტო: russian_sable

"გავარკვიე, რომ მისი ყიდვა იქამდე შემეძლო, სანამ მოკლავდნენ", — ამბობს ქალი და იმასაც დასძენს, რომ სასწრაფოდ გაემგზავრა ცხოველის სახლში წამოსაყვანად, რომელსაც ფერმაში კარგი არაფერი ელოდა.

ფოტო: russian_sable

ფოტო: russian_sable

საბედნიეროდ, ასეც მოხდა და დღეს კვერნა, რომელსაც პატრონმა უმორა დაარქვა, თბილ და მოსიყვარულე გარემოში ცხოვრობს.

მართალია, ცუდი მოპყრობისგან მძიმე ფსიქოლოგიური ტრავმა აქვს, თუმცა, პატრონი ამბობს, რომ ცხოველი ძალიან ემოციური, აქტიური და ჭკვიანია.

ფოტო: russian_sable

ფოტო: russian_sable

უმორას უკვე საკუთარი ინსტაგრამიც აქვს, სადაც მისი ყოველდღიურობის ამსახველი სახალისო ფოტოები და ვიდეოები შეგიძლიათ ნახოთ.

როგორც ჩანს, ამ კვერნასაც დაავიწყდა, რომ ის გარეულ ცხოველადაა "ჩაფიქრებული" და სახლის ატმოსფეროს არაჩვეულებრივად შეეწყო.