ლეგენდარული ჩოგბურთელი როჯერ ფედერერი პირველი ცოცხალი ადამიანია, რომელიც შვეიცარიულ მონეტაზე გამოისახება. შვეიცარიის ხელისუფლების განცხადებით, დიდი სლემის ოცგზის გამარჯვებული ქვეყნის ყველაზე წარმატებული ინდივიდუალური სპორტსმენი და მათი იდეალური ელჩია.

სპორტსმენის გამოსახულებიანი შვეიცარიული ფრანკის 20-ნიშნულიან ვერცხლის მონეტა 2020 წლის იანვრიდან ჩაეშვება მიმოქცევაში. გარდა ამისა, მომავალი წლის მაისიდან ფედერერის გამოსახულებიანი 50-ნიშნულიანი ოქროს მონეტაც დამზადდება.

"მადლობა შვეიცარიას და Swissmint- ამ დიდი პატივისთვისა და პრივილეგიისთვის", — განაცხადა ფედერერმა.

38 წლის შვეიცარიელი ჩოგბურთელი მსოფლიოს პირველი ნომერი არაერთგზის ყოფილა. ფედერერს კაცთა ჩოგბურთში ყველაზე მეტი 20 დიდი სლემის ტურნირი აქვს ერთეულთა თანრიგში მოგებული. აქედან რეკორდული 8 უიმბლდონი, რეკორდული 6 ავსტრალიის ღია პირველობა (ამდენივე აქვთ როი ემერსონს და ნოვაკ ჯოკოვიჩს), 5 აშშ-ის ღია პირველობა და 1 საფრანგეთის ღია პირველობა. მან მონაწილეობა მიიღო რეკორდულ — 30 დიდი სლემის ფინალში.