ევროპული საქართველოს დეპუტატი ცდილობს პარლამენტში შევიდეს, თუმცა პოლიცია ამის საშუალებას სპეციალური საშვის წარდგენის მიუხედავად არ აძლევს. შენობაში დაუბრკოლებლად, თუმცა პოლიციის კორდონით შევიდნენ ქართული ოცნების დეპუტატები.

"მეშვიდე მცდელობაა, პარლამენტის სხდომაზე შესვლის...", — ამბობს პოლიციის კორდონთან მისული ხოშტარია და ჟურნალისტებს უყვება, რომ პარლამენტში შეშვებაზე პოლიციელები პასუხს არ სცემენ:

"ერთმა მითხრა არ მესმის ყურშიო, ერთმა მითხრა მე ვერ ვწვეტო, არ ვიციო... საქართველოს პარლამენტში დადიან პარლამენტარები და არა ბიძინას მონები. ყველა პარლამენტარი, მოგწონს თუ არ მოგწონს. ძალიან ბევრი შეიძლება არ მოგწონდეს, მაგრამ ხალხმა გადაწყვიტა და ხელფასს უხდიან რომ იქ შევიდეს".

პოლიციის უფროსმა ვაჟა სირაძემ ჟურნალისტებს უთხრა, რომ დეპუტატებს შეუძლიათ პარლამენტში შესვლა, მათ შრის ელენე ხოშტარიასაც.

"პარლამენტის საშვის დაშვება ჩვენი კომპეტენცია არა არის", — ამბობს ვაჟა სირაძე.

პარლამენტის პრესსამსახურში On.ge-ს ამ საკითხზე უთხრეს, რომ ინფორმაცია არ აქვთ.