ერთ-ერთი ყველაზე ცუდი განცდაა, როცა შენი შინაური ცხოველი სახლიდან გარბის, დიდი ძალისხმევის მიუხედავად კი მის პოვნას ვერაფრით ახერხებ. რიჩელ ჰოატი მათ შორისაა, ვისაც ეს ყველაფერი გამოცდილი აქვს.

რიჩელის ძაღლი სახლიდან გაიქცა და დაიკარგა. კაცი დიდი ხანი უშედეგოდ ეძებდა ცხოველს.

საბედნიეროდ, კოდა მალევე თავისით დაბრუნდა სახლში, მანიტობაში, რომელიც კანადის ერთ-ერთი პროვინციაა.

"ბევრი ვეძებეთ, ყველაფერი იმით დასრულდა, რომ თავისით დაბრუნდა. ძალიან ჭკვიანი ძაღლია, ამიტომ, ეჭვიც არ მეპარებოდა, რომ სახლს აუცილებლად მოაგნებდა", — ამბობს რიჩელი.

თუმცა, გაირკვა, რომ ყველაზე საინტერესო, მაშინ მოხდა, როცა მისი ადგილსამყოფელის შესახებ პატრონმა არაფერი იცოდა.

რამდენიმე დღის შემდეგ კაცმა გადაწყვიტა, მისი სახლის სიახლოვეს არსებული კამერების ჩანაწერები შეემოწმებინა. სწორედ მეზობლის ქუჩის კამერას გამოუჭერია ძაღლი ტყეში.

ფარულმა კამერამ კოდას ტყის მეგობრები, ირმებიც გადაიღო, რომლებსაც სულაც არ შეშინებიათ მისი. მეტიც, საშუალებას აძლევდნენ მათთან ერთად მინდორში ეცუნცულა, ეთამაშა და დაეძინა.