ქართული ოცნების დეპუტატი ზაზა გაბუნია "ბიძინა ივანიშვილის ხატებით" გირჩის პერფორმანსს აკრიტიკებს და ათეისტურ ფანატიზმს უწოდებს. ამის შესახებ მან პლენარულ სხდომაზე სიტყვით გამოსვლის დროს განაცხადა.

მე არ ვიცი, რა უნდა ითქვას პოლიტიკური მიზნებისთვის ხატების შეურაცხყოფის საკითხზე. მე არ ვიცი, რა უნდა ითქვას პოლიტიკური მიზნებისთვის პატრიარქის შეურაცხყოფის საკითხზე. ყველა ვითარებაში რა ხარისხის სიმწვავე, სირთულე და ტემპერატურა უნდა იყოს, არსებობს დაწერილი და დაუწერელი წესები, რომლის დაცვაც პროცესს ხდის გასაგებს.

ის, რაც ჩვენ გუშინ ვნახეთ, ეს იყო სიბნელე, ეს იყო შემზარავი ცინიზმი, ეს არის ათეისტური ფანატიზმი. მაქედან ერთი ნაბიჯია ჩეკისტობამდე", — განაცხადა გაბუნიამ.

26 ნოემბერს გირჩმა აქცია-პერფორმანსი მოაწყო. მათ "ბიძინა ივანიშვილის ხატებით" მსვლელობა მოაწყვეს და ივანიშვილის სახლთან "ვხედავ მეცხვარეს" იმღერეს.