ვაკის პარკში ფაშიზმზე გამარჯვების 71-ე წლისთავი აღნიშნეს

9 მაისს, თბილისში, ვაკის პარკში ფაშიზმზე გამარჯვების 71-ე წლისთავი აღინიშნა.

გიორგი კვირიკაშვილმა მთავრობის წევრებთან ერთად პარკში შეკრებილ ვეტერანებს ფაშიზმზე გამარჯვების დღე მიულოცა.

"ქედს ვიხრი ყველა იმ ადამიანის წინაშე, ვინც სიცოცხლე გაწირა და ყველა იმ ადამიანის წინაშე, ვინც ჯერ კიდევ ჩვენს გვერდით არის". - გიორგი კვირიკაშვილი

**სოზარ სუბარი (მარჯვნივ)**

დევნილთა მინისტრი სოზარ სუბარი უცნობი ჯარისკაცის მემორიალთან, 9 მაისი, 2016

ფოტო: გვანცა ნემსაძე

პარლამენტის ვიცე-სპიკერმა მანანა კობახიძემ, უცნობი ჯარისკაცის მემორიალი გვირგვინით შეამკო.

თბილისის მერი დავით ნარმანია მუნიციპალიტეტის მთავრობის წარმომადგენლებთან ერთად მივიდა ვაკის პარკში და 9 მაისის მემორიალი გვირგვინით შეამკო.

**მეორე მსოფლიო ომის ვეტერანები**

მეორე მსოფლიო ომის ვეტერანები ფაშიზმზე გამარჯვების დღეს აღნიშნავენ, 9 მაისი, 2016

ფოტო: გვანცა ნემსაძე

"19 წლის ვიყავი ომში რომ წავედი. უკრაინაში, ბელორუსიაში და პოლონეთში წამიყვანეს. მთელი წელი სიხარულით ველოდები ამ დღეს" - ივლიტა კუჭელიძე, 93 წლის.

ვაკის პარკში მეორე მსოფლიო ომის ამსახველი ფოტოგამოფენა მოეწყო.

მეორე მსოფლიო ომის ვეტერანი — ფოტო: გვანცა ნემსაძე

"სტალიგრადიდან ბერლინამდე ფეხით ჩავედი. 4 მაისს მე ამერიკელებს მდინარე ელბაზე შევხვდი და ამით დავამთავრე ომი, ფაქტიურად ჩემთვის 4 მაისს დასრულდა ომი" - ნიკოლოზ ჩარაშვილი, 95 წლის.