სამწუხაროდ მსოფლიოში უამრავი უპატრონო ძაღლია, რომელთა მოვლაზე, გართობასა და კვებაზე არც არავინ ზრუნავს. თუმცა, კარგი ის არის, რომ ზოგჯერ მათ შორისაც იბადებიან ხოლმე იღბლიან ვარსკვლავზე.

მათ შორისაა ჩვენი სტატიის გმირიც, რომელიც რუსეთში, ქუჩაში ჯერ კიდევ მაშინ იპოვეს, როცა, სულ რაღაც, 10 დღის იყო.

"ბეტი 10 დღის იყო. ის ქუჩაში, უპატრონოდ იყო მიტოვებული", — ამბობს ძაღლის ამჟამინდელი პატრონი.

ფოტო: brovisvoi

ყველაზე საინტერესო კი სწორედ ლეკვის პოვნის შემდეგ მოხდა. თავშესაფარში გადაყვანილი ლეკვი ვეტერინარებს ბოროტი ხუმრობის მსხვერპლი ეგონათ და სახეზე მიხატული წარბების გულმოდგინედ ჩამობანვას ცდილობდნენ.

ფოტო: brovisvoi

მალევე გაირკვა, რომ საქმე არა ჩვეულებრივ, არამედ უნიკალური ვიზუალური მახასიათებლების მქონე ლეკვთან ჰქონდა, რომელსაც სახეზე ადამიანის მსგავსი წარბები, სრულიად ბუნებრივად ჰქონდა.

ფოტო: brovisvoi

უნიკალურ ლეკვს, თავისი წარბების გამო ფრიდა შეარქვეს, ფრიდა კალოს საპატივსაცემოდ და ფოტოები ინტერნეტში იმის იმედით გამოაქვეყნეს, რომ მალე გაჩუქდებოდა მზრუნველ პატრონზე.

ფოტო: brovisvoi

ასეც მოხდა, ფრიდა ოქსანამ შეიფარა, რომელსაც სხვათა შორის ძალიან გაუმართლა, რადგან ლეკვის აყვანის სურვილი მასთან ერთად, უამრავმა ადამიანმა გამოთქვა.

ფოტო: brovisvoi

ახალმა პატრონმა ძაღლს სახელიც შეუცვალა და მას ბეტი დაარქვა. წარბებიანი ბეტი კი ახლა დიდი და ბედნიერი შინაური ცხოველია.