ტოდ ფილიპსის 2019 წლის გახმაურებული ფილმის, Joker-ის ჩვენებები მსოფლიოს თითქმის ყველა კინოთეატრში სრული ანშლაგით გაიმართა, თუმცა კიდევ ბევრი ასეთი წარმატებული ფილმი ვერ დაიკვეხნის იმით, რაც ჯოკერს ხვდა წილად: რამდენიმე დღის წინ აშშ-ს ამჟამინდელმა პრეზიდენტმა, დონალდ ტრამპმა ფილმის ჩვენება თეთრ სახლში მოაწყო.

Yahoo News-ის ცნობით, თეთრი სახლის ოფიციალურმა წარმომადგენელმა დაადასტურა, რომ 16 ნოემბერს, შაბათ საღამოს დონალდ ტრამპმა ოჯახის წევრებთან და მეგობრებთან ერთად თეთრ სახლში ჯოკერს დიდ ეკრანზე უყურა.

ცნობილია, რომ ტრამპი ფილმების დიდი გულშემატკივარია. მაგალითად, მას ძალიან უყვარს ჟან-კლოდ ვან დამის ფილმები და ასევე თავადაც აქვს ეპიზოდური როლები შესრულებული ისეთ ფილმებში, როგორებიცაა Home Alone 2: Lost in New York და Two Weeks Notice.

თეთრი სახლის ოფიციალურმა წარმომადგენელმა ისიც გაგვანდო, რომ ფილმის ჩვენების შემდეგ აშშ-ს პრეზიდენტი კმაყოფილი იყო, რადგან მას ჯოკერი მოეწონა.

ასევე იხილეთ: