საქართველოს პარლამენტის დეპუტატს უმრავლესობიდან, სიმონ ნოზაძეს ჰგონია, რომ პიკეტირებული შენობის მიუხედავდ, პარლამენტში მუშაობას გააგრძელებს. ამის შესახებ ის ჟურნალისტებს აქციების პარალელურად ესაუბრა.

"რას ჰქვია არ მოგვეცემა მუშაობის საშუალება? ვის აქვს უფლება?" — იკითხა დეპუტატმა.

უკვე რამდენიმე საათია, აქციის მონაწილეებმა პარლამენტის შენობის შესასვლელი კარვებითა და კასრებით ჩაკეტეს, შესასვლელ ჭიშკარს ბოქლომიც დაადეს. მათი მიზანია ქართული ოცნების დეპუტატები, რომლებმაც დაპირება არ შეასრულეს, პარლამენტში არ შეუშვან.