ევროპული საქართველომ პარლამენტის შენობის შესასვლელ ჭიშკარს, რომლითაც დეპუტატები სარგებლობენ, ბოქლომი დაადო. მანამდე უგულავამ განაცხადა, რომ ქართული ოცნების ვერც ერთი დეპუტატი პარლამენტის შენობაში ვეღარ შევიდოდა.

"აბა, მუშაობისა და ხალხის ყვლეფის საშუალება მივცეთ?" — თქვა გიგი უგულავამ.

ბოქლომის დადების შემდეგ ჭიშკართან სპეციალური ტექნიკით შესაბამისი სამსახური მივიდა და ჯაჭვი გადაჭრა.

პარლამენტთან ოპოზიციისა და სამოქალაქო საზოგადოების საპროტესტო აქცია — ყველა მინუს ერთი მიმდინარეობს. ალტერნატიული აქცია რესპუბლიკის მოედანზე გამართა პატრიოტთა ალიანსმაც.