პატრიოტთა ალიანსის დეპუტატი ირმა ინაშვილი ამბობს, რომ პროპორციული საარჩევნო სისტემის ჩაგდებით უმრავლესობა დაპირისპირებასა და სამოქალაქო პროტესტს იწვევს. მისივე თქმით, ის რაც ხდება უკვე საერთო პროტესტია.

"ეს პროტესტი გამოიწვია ქართული ოცნების სრულიად უგუნურმა უპასუხისმგებლო ცინიკურმა გადაწყვეტილებამ ჩაეგდო კენჭისყრა. ეს არის გამოწვევა. ეს არის მცდელობა ხელისუფლების იტაცებს. პასუხისმგებლობა შექმნილ კრიზისზე, რა თქმა უნდა, ეკისრება ქართულ ოცნების პოლიტიკურ ელიტას და ბიძინა ივანიშვილს", — განაცხადა ირმა ინაშვილმა.

On.ge-ს კითხვაზე, ვიხილავთ თუ არა მას ნაციონალურ მოძრაობასთან ერთად აქციაზე მან უპასუხა:

"არ არის საჭირო ერთად ხილვა".

დღეს, 14 ნოემბერს ბიძინა ივანიშვილის დაპირება არ შესრულდა. ქართულმა ოცნებამ მხარი არ დაუჭირა კანონპროექტს, რომლითაც ქვეყანაში 2020 წლის არჩევნები სრულად პროპორციული სისტემით უნდა ჩატარებულიყო.