ჭყონდიდის ყოფილი მიტროპოლიტი პეტრე ცაავა აცხადებს, რომ ილია მეორე დეკანოზ გიორგი მამალაძეს "სოდომური ცოდვის ფილმების" ჩვენებას სთხოვდა. მისი მტკიცებით, მსგავსი ფილმების ლინკები პროკურატურამ გიორგი მამალაძის ტელეფონში აღმოაჩინა და მამალაძემ არ უპასუხა, თუ რატომ იყო ეს ფილმები მისი ბრაუზერის ისტორიაში.

"მან პასუხი არ გასცა, მე გავცემ პასუხს. ის ამბობს, რომ არაერთგზის საღამოს კათალიკოსი თხოვდა, რომ მსგავსი ფილმები ეჩვენებინა მისთვის. პასუხისმგებელი ვარ ამ ბრალდებაზეც", — განაცხადა მან.

ეს პირველი შემთხვევა არ არის, როდესაც ყოფილი მიტროპოლიტი ილია მეორის ჰომოსექსუალობაზე საუბრობს. 31 ოქტომბერს გამართული სინოდის სხდომის დასრულების შემდეგ მან განაცხადა, რომ ეკლესიაში მამათმავლობის ცოდვის მხილების გამო ილია მეორემ მღვდელმთავრობიდან გადააყენა. მოგვიანებით კი აღნიშნა, რომ თავად პატრიარქია "პიდარასტიისა და მამათმავლობის ცოდვით შეპყრობილი".

სინოდის სხდომის განჩინებით, პეტრე ცაავას აეკრძალა მღვდელმოქმედება, გათავისუფლდა სინოდის წევრობიდან და ჭყონდიდის ეპარქიის ხელმძღვანელობიდან და "მოსანანიებლად" მონასტერში იქნა გამწესებული. მეუფე პეტრე შეიომღვიმეში წასვლაზე უარი განაცხადა.

ბერებისა და დედაოების ნაწილი ახალ მეუფეს განუდგა მის წირვაზე დასწრებას აღარ აპირებენ.

მასალაში გამოყენებული მეუფე პეტრეს შეფასებები გამოხატულია ჰომოფობიური სიტყვებით, თუმცა მაღალი საჯარო ინტერესიდან გამომდინარე On.ge მის სიტყვებს უცვლელად გთავაზობთ.

გაიგეთ მეტი: