საპატრიარქოს საზოგადოებასთან ურთიერთობის სამსახურის ხელმძღვანელს, ანდრია ჯაღმაიძეს მიაჩნია, რომ ფილმ And Then We Danced-ის პრემიერის გამო "უახლოეს მომავალში ეკლესიიის წინააღმდეგ კვლავ ატყდება ისტერია". მისი თქმით, ეს ფილმი არის ქართული და ქრისტიანული ფასეულობების დაკნინების მცდელობაა.

"ამაზე ეკლესია გამოთქვამს ძალიან დიდ პროტესტს. ეს, ალბათ, გახდება მიზეზი ეკლესიაზე ახალი შეტევებისა. ამას იმიტომ ვამბობ, რომ ეკლესიას სულ აქვს საბრძოლველი და სულ დგას ამ ბრძოლის პირობებში", — აცხადებს ის.

ფილმ And then we danced-ის პრემიერა 8 ნოემბერსაა დაგეგმილი. ქართული მარში კი ჩვენების ჩაშლით იმუქრება. მათი ლიდერის, სანდრო ბრეგაძის თქმით, "მშვიდობიანი ფორმით მოახდენენ კინოთეატრების ბლოკირებას".

შინაგან საქმეთა სამინისტროში On.ge-ს უთხრეს, რომ პოლიცია კანონის ფარგლებში იმოქმედებს. ფილმის ჩვენება თბილისისა და ბათუმის კინოთეატრებში 8-დან 10 ნოემბრის ჩათვლით გაიმართება.

ფილმის და ჩვენ ვიცეკვეთ მსოფლიო პრემიერა 16 მაისს კანის რიგით 72-ე კინოფესტივალზე გაიმართა. ფილმი კანის კინოფესტივალის Director’s Fortnight სექციაში, 25 ფილმს შორის მოხვდა. პირველი ქართული სასიყვარულო გეი დრამის რეჟისორი ლევან აკინია, რომელიც წარმოშობით საქართველოდანაა.

And Then We Danced, რომელმაც არაერთი საერთაშორისო ჯილდო მოიპოვა ამერიკის კინოაკადემიის დაჯილდოვების 92-ე ცერემონიალზე შვედეთის სახელით წარსდგება.