თბილისში, თევდორე მღვდლის ქუჩაზე, სავარაუდოდ, გაზის აფეთქების შედეგად ერთი ადამიანი დაშავდა. შინაგან საქმეთა სამინისტროს ინფორმაციით, დაშავებული საავდმყოფოშია გადაყვანილი.

უწყებაში აცხადებენ, რომ ადგილზე მობილიზებული არის 30 მეხანძრე-მაშველი, ასევე, საპატრულო პოლიციის ეკიპაჟები, სასწრაფო-სამედიცინო დახმარების ბრიგადები და ყველა შესაბამისი სამსახური.

საქმეზე გამოძიება სისხლის სამართლის კოდექსის 240-ე მუხლით დაიწყო. ამ მუხლით უსაფრთხოების წესის დარღვევა, რამაც გამოიწვია ჯანმრთელობის ნაკლებად მძიმე ან მძიმე დაზიანება, ისჯება ჯარიმით ან გამასწორებელი სამუშაოთი ვადით ორ წლამდე ანდა თავისუფლების აღკვეთით ვადით ორ წლამდე.

თევდორე მღვდლის ქუჩაზე აფეთქება რამდენიმე საათის წინ მოხდა.