HBO-მ კიდევ ერთი ამბიციური პროექტი წარუდგინა მაყურებლებს: ალან მურისა და დეივ გიბონსის საკულტო ნაწარმოების, Watchmen-ის მიხედვით 2009 წელს გადაღებული ამავე სახელწოდების ცნობილი ფილმის სატელევიზიო ვერსია.

სერიალის შექმნაზე კომიქსის თანაავტორი, დეივ გიბონსი და დეიმონ ლინდელოფი მუშაობდნენ. ეს უკანასკნელი ისეთი ცნობილი სატელევიზიო შოუების სცენარის ავტორია, როგორებიცაა Lost და The Leftovers. მათ თავიანთ ახალ პროექტში მოახერხეს და ამერიკის ერთგვარი ალტერნატიული ისტორია შექმნეს, რომელიც მაყურებლებს განსაკუთრებით დაძაბულ თავგადასავალს ჰპირდება.

ამ ყველაფრის გათვალისწინებით სატელევიზიო სამყაროში Watchmen-ის გამოსვლას განსაკუთრებულად ელოდებოდნენ, თუმცა შედეგებმა მოლოდინებს გადააჭარბა: HBO-ზე პირველი ეპიზოდის პრემიერა 20 ოქტომბერს შედგა და მას პირდაპირ ეთერში 1,5 მილიონამდე ადამიანმა უყურა, რაც სადებიუტო სერიალისთვის ერთ-ერთი საუკეთესო შედეგია. მანამდე 2016 წელს Westworld-ს ჰქონდა მსგავსი გასაოცარი შედეგი - პირველი სეზონის პირველ ეპიზოდს პირდაპირ ეთერში 800 000 მაყურებელმა უყურა.

სერიალს დადებითად აფასებენ კრიტიკოსები და თუ მაყურებლების ასეთ დიდ დაინტერესებასაც გავითვალისწინებთ, როგორც ჩანს, წინ კიდევ უფრო დაუვიწყარი შოუ გველოდება.