თუკი ეძებდით ინფორმაციის წყაროს ევროპარლამენტის შესახებ, შესაძლოა გინახავთ ვებსაიტი სახელწოდებით EP Today, ან მისი პოპულარული სოციალური მედიის ანგარიშები. მაგრამ ის, რაც ევროპარლამენტთან მჭიდრო თანამშრომლობას ჰგავს, სინამდვილეში არის არხი ინფორმაციის გასავრცელებლად დეზინფორმაციის წყაროებიდან, მაგ. ისეთი წყაროდან, როგორიცაა RT (Russia Today). იხილეთ ჩვენი ბოლო ანალიზი ამ ვებსაიტის შესახებ (რომელიც გარდა სხვა მედია-საშუალებებისა, გაშუქდა შემდეგ გამოცემებში: Politico, Deutsche Welle, Tagesspiegel და The Guardian).

საბედნიეროდ, დეზინფორმაციის სამყაროს ბნელ ლაბირინთებში გზას EUvsDisinfo-ს გუნდი გაგიკვლევთ - ახლა უკვე განახლებული ვებსაიტით და ძალზე საინტერესო ახალი მასალებით. ჩვენ ვაანალიზებთ დეზინფორმაციას და ვახდენთ მასზე რეაგირებას, მაგრამ ასევე გაძლევთ საშუალებებს, რომლებიც შესაძლოა დაგეხმაროთ იმის პოვნაში, რასაც ეძებთ.

მაგალითად, თქვენ მუშაობთ ამა თუ იმ ისტორიაზე. ამოწმებთ თქვენს წყაროებს. ამოწმებთ ყოველგვარ მონაცემს და ინფორმაციას. რომელიმე ინფორმაცია, მონათხრობი ან წყარო საეჭვოდ გეჩვენებათ. რას აკეთებთ ამ შემთხვევაში?

ან: თქვენ გაქვთ იდეა რაღაც ამბისთვის. ის დეზინფორმაციას უკავშირდება. თქვენ კვლევა გჭირდებათ. რას აკეთებთ ამ შემთხვევაში?

გაეცანით EUvsDisinfo-ს ვებსაიტს, ახლა უკვე განახლებულს, უფრო ხელმისაწვდომსა და სრულყოფილს. ვებსაიტზე იპოვით:

ონლაინ საძიებო სისტემას პრორუსული დეზინფორმაციის 6500-ზე მეტი შემთხვევით. ძიება შესაძლებელია ენის, ქვეყნის, თარიღს ან საკვანძო სიტყვის საშუალებით. ყველა შემთხვევა საჯაროდ ხელმისაწვდომია, შეკრებილი და გამოაშკარავებული 2015 წლის შემდეგ, ვებსაიტს კვირაში ერთხელ მრავალი ახალი შემთხვევა ემატება. გაეცანით დეზინფორმაციის უახლეს შემთხვევებს კლიმატის ცვლილების, ბრექსითის და პროტესტების შესახებ ჰონკონგში.

უკვე იცნობთ ამ საშუალებს? გადახედეთ მათ კიდევ ერთხელ, ინფორმაცია ახლა რამდენიმე ენაზეა, მათ შორის გერმანულ, ინგლისურ, ფრანგულ, რუსულ, არაბულ, სერბულ და მრავალ სხვა ენაზე. არასოდეს გსმენიათ მის შესახებ? ამის გამოსწორება სწორედ ახლა შეგიძლიათ!

ონლაინ ბიბლიოთეკა, სადაც შეგიძლიათ იპოვნოთ პრორუსული დეზინფორმაციისადმი მიძღვნილი საჯაროდ ხელმისაწვდომი კვლევების უდიდესი ონლაინ კოლექცია. ინფორმაცია, დაწყებული სამეცნიერო პუბლიკაციებიდან და დამთავრებული საგაზეთო სტატიებით, დაყოფილია ყველაფრის მომცველ კატეგორიებად, კერძოდ, შესავალი, ქვეყნის მაგალითების ანალიზი, ინფორმაცია ტროლების და ბოტების შესახებ და პრორუსული ტაქტიკის მხილება. ბიბლიოთეკა ერთნაირად მოხერხებულია როგორც დეზინფორმაციის ახალი მომხმარებლების, ისე დეზინფორმაციასთან მებრძოლებისთვის.

ხოლო თუ მეტი შთაგონება გჭირდებათ, გაეცანით ახალი ამბების და ანალიზის განყოფილებას ინფორმაციის მისაღებად პრორუსული დეზინფორმაციის სამყაროს უახლესი ტენდენციების შესახებ. არ გამოტოვოთ ჩვენი ისტორია იმის შესახებ, თუ როგორ ამოიღო მიზანში პრორუსულმა მედიამ გრეტა თუნბერგი, პრორუსული მედიისთვის გამოყოფილი სახელმწიფო ბიუჯეტის ანალიზი და ჩვენ მიერ რუსული დეზინფორმაციის განხილვა არაბულ ენაზე. გარდა ამისა, იხილეთ აქ პირველი ინტერვიუ სერიიდან, რომელიც დეზინფორმაციასთან მებრძოლებს და ფაქტების სანდოობის შემმოწმებლებს ეძღვნება.

დაინტერესდით? დაუკავშირდით EUvsDisinfo-ს გუნდს ელ-ფოსტის მისამართზე [email protected].