თავისუფალი დემოკრატების აღმასრულებელმა მდივანმა, თამარ კეკენაძემ პარტიის ლიდერების მიერ პოლიტიკური სუბიექტის დატოვების ფაქტს მტკივნეული უწოდა და განმარტა, რომ პოლიტიკური სუბიექტი ჩვეულ რეჟიმში აგრძელებს მუშაობას:

"ეს ადამიანები არიან პარტიის დამფუძნებლები. 8 წლის განმავლობაში ყოველდღიურად შრომობდნენ, რომ შედეგები მიგვეღო, მაგრამ არჩევნების შედეგად, მიიღეს ის გადაწყვეტილება, რაც მიიღეს და ეს მათი არჩევანია. ჩვენ ვაგრძელებთ ბრძოლას, განახლებას და 2017 წლის არჩევნებისთვის ირაკლი ალასანია რჩება პარტიის თავდჯომარედ, მე როგორც აღმასრულებელი მდივანი ვასრულებ პარტიის თავდჯომარის მოვალეობას და ვაგრძელებ პარტიის განვითარებაზე ზრუნვას".

კეკენაძემ აღნიშნა, რომ ერთადერთი მაჟორიტარობის კანდიდატი, რომელსაც პარტია არჩევნების მეორე ტურში გვერდში დაუდგება, თავისუფალი დემოკრატების წევრი, თემურ გაფრინდაშვილის, რომელიც ჭიათურაში იყრის კენჭს.

ჟურნალისტების შეკითხვას, რჩებიან თუ არა პარტიაში ირაკლი ჩიქოვანი, შალვა შავგულიძე და პარტიის სხვა სახეები, კეკენაძემ ასე უპასუხა:

"ეს ადამიანები რჩებიან პარტიაში. დღეს მათ ვერ მოახერხეს მოსვლა, მაგრამ ეს არ ნიშნავს, რომ ისინი არ არიან ჩვენს გვერდით".

კეკენიძემ ისაუბრა ეროვნული ფორუმის შეთავაზებაზეც სხვადასხვა პარტიების გაერთიანების შესახებ. კეკენიძის თქმით, თავისუფალი დემოკრატები დამოუკიდებლად გაძლიერებას აპირებს.

რაც შეეხება ყრილობას და პარტიის თავმჯდომარის არჩევას, კეკენიძის თქმით ყრილობის ჩატარება ჯერ არ იგეგმება და პარტიის რეორგანიზაცია კვლავ გრძელდება.