ელტონ ჯონი ერთ-ერთია იმ მრავალთაგან, რომელმაც დისნეის 2019 წლის ფოტორეალისტურ რიმეიქს The Lion King უყურა, — თუმცა ის მხატვრული ფილმით უკმაყოფილოა.

მომღერალმა 1994 წლის ანიმაციისთვის ორიგინალი კომპოზიციები შექმნა და შეასრულა, ახალ ფილმს კი ის "დიდ იმედგაცრუებას" უწოდებს. იმის მიუხედავად, რომ ის სტუდიაში ჩაწერებზე ისეთი სიმღერების ადაპტაციებზე დასახმარებლად იყო მისული, როგორებიცაა Circle Of Life და Hakuna Matata, მუსიკოსი ამბობს, რომ ფილმში "მუსიკა გაანადგურეს".

"მუსიკა ორიგინალ ანიმაციაში მნიშვნელოვან როლს ასრულებდა და ახალ ფილმში მას იმხელა გავლენა აღარ ჰქონდა. ჯადოსნურობა და ბედნიერება დაკარგული იყო", — ამბობს ელტონ ჯონი GQ-სთან ინტერვიუში.

ის ასევე ამბობს, რომ ახალი საუნდტრეკები ისეთივე წარმატებული ფილმის გარეთაც არ იყო:

"25 წლის წინ ანიმაციისთვის დაწერილი მუსიკა წლის ყველაზე გაყიდვად ალბომად იქცა, ახალი საუნდტრეკები კი, წარმატებული ბოქს-ოფისის მიუხედავად, ჩარტებიდან ძალიან მალე გაქრა".

ელტონ ჯონი ასევე ამბობს, რომ ახალ ფილმში მისი ჩართულობა მინიმალური იყო:

"ვისურვებდი რომ უფრო ხშირად მივეწვიე ახალი ფილმის შემქმნელებს, თუმცა რადგან ფილმისა და მუსიკის კრეატიული ხედვა ამჯერად განსხვავებული იყო, მე მათთვის დიდად სასურველი არ ვიყავი და არც შესაბამისი პატივისცემით მექცეოდნენ. ეს ძალიან მასევდიანებს".

Can You Feel the Love Tonight ელტონ ჯონის შესრულებით (1994)

Can You Feel the Love Tonight დონალდ გლოვერისა და ბიონსეს შესრულებით (2019)

ფილმით უკმაყოფილოა 1994 წლის ანიმაციურ ფილმზე მომუშავე ანიმატორი დევიდ სტეფანიც და ამბობს, რომ დისნეიმ ფულის გამო თავის ღირებულებებზე უარი თქვა:

"ორიგინალ მეფე ლომზე მომუშავეთა უმრავლესობა ერთ რამეს იტყოდა: რაში დასჭირდა დისნეის ამის გაკეთება? უბრალოდ მტკივნეულია".