სახელმწიფო ენის დეპარტამენტის ხელმძღვანელმა, გიორგი ალიბეგაშვილმა გასულ წელს თანამდებობაზე მუშაობისთვის 71 100 ლარი მიიღო. ანაზღაურების შესახებ ინფორმაცია ალიბეგაშვილმა დეკლარაციაში ასახა, რომელიც 11 ოქტომბერს შეავსო.

ალიბეგაშვილმა 2018 წელს ანაზღაურება აიღო საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტიდანაც, სადაც ის სრული პროფესორის თანამდებობაზე მუშაობდა. მისი ანაზღაურება 8 110 ლარი იყო.

გიორგი ალიბეგაშვილი 2013 წლიდან თბილისის საკრებულოს თავმჯდომარე იყო, თუმცა პრემიერის გადაწყვეტილებით, 2017 წელს, ვადის ამოწურვამდე ის სახელმწიფო ენის დეპარტამენტის ხელმძღვანელად დაინიშნა.