20 ივნისის აქციის საქმეზე დაკავებული ლევან ჯიქური, რომლის ჯანმრთელობის მდგომარეობაც ციხეში დამძიმდა, მის საქმეზე პროკურატურის მტკიცებულებებს არ ეწინააღმდეგება. თუმცა, ის არ აღიარებს ბრალის "ჯგუფური ძალადობის" ნაწილს.

ჯიქურმა უდავოდ გამოაცხადა უწყების მტკიცებულებები, რაც ნიშნავს, რომ მტკიცებულებების გამოკვლევა და მოწმეების გამოკითხვა სხდომაზე აღარ მოხდება. მოსამართლემ უდავოობაზე დაცვის მხარის შუამდგომლობა დააკმაყოფილმა. ჯიქურის ადვოკატი 2000 ლარის გირაოს შეფარდებას ითხოვს.

ჯიქურის ადვოკატი ამბობდა, რომ შიმშილობის გამო დაკავებულის ჯანმრთელობის მდგომარეობა ძალიან მძიმეა. მისი თქმით, ჯიქურმა 40 კილო დაიკლო, პარალიზებულია და ვერ დადის.

აქედან გამომდინარე ადვოკატმა სასამართლოში დააყენა შუამდგომლობა, რომ ჯიქურის მიმართ აღკვეთი ღონისძიება პატიმრობა გირაოთი შეეცვალათ. ჯიქურის სასამართლო პროცესი 23 სექტემბერს გაიმართა. სასამართლომ ის პატიმრობიდან არ გაათავისუფლა. როგორც მოსამართლემ განმარტა დაცვის მხარემ ჯანმრთელობის მდგომარეობაზე დეტალური ინფორმაცია არ წარადგინა.