ბადი მერკური ამერიკელი ძაღლია, რომელიც თავისი მუსიკალური ნიჭის გამო ინტერნეტის ნამდვილი ვარსკვლავი გახდა. თუმცა, ეს ყველაფერი არ არის.

ცხოველს არამარტო პიანინოზე დაკვრა, არამედ სიმღერაც კარგად გამოსდის და მისი მხიარული განწყობა სხვებისთვისაც გადამდებია.

ეს სახალისო ვიდეო, რომელსაც უკვე ათასობით დადებითი გამოხმაურება აქვს, ბადის პატრონმა გადაიღო და შემთხვევით აღმოაჩინა, რომ მისი პატარა ქალიშვილი, პირდაპირი გაგებით, ძაღლის დაკრულზე ცეკვავდა.

პატრონმა განმარტა, რომ ზედმეტ-სახელი ძაღლს ლეგენდარული მუსიკოსის, ფრედი მერკურის საპატივსაცემოდ შეარქვა.

"დიდი მადლობა კეთილი სიტყვებისთვის, ბადის ძალიან უყვარს გართობა, თავისი ოჯახი და ფანები!", — მიმართა მან ძაღლის გულშემატკივრებს, რომლებიც უკვე ბადის მუსიკას საგანგებოდ მისთვის შექმნილი საიტიდანაც კი იწერენ.