Radiohead მთელ მსოფლიოში ერთ-ერთი ყველაზე ცნობილი და გავლენიანი მუსიკალური ბენდია, რომელიც ცხრა ერთმანეთზე უფრო პოპულარული მუსიკალური ალბომის ავტორია. ეს ბრიტანული ბენდი 1985 წელს შეიქმნა და განსაკუთრებული აღიარება 1992 წელს გამოშვებულმა სიმღერა Creep-მა მოუტანა.

Radiohead ხუთი წევრისგან შედგება: ტომ იორკი, ჯონი გრინვუდი, კოლინ გრინვუდი, ედ ო'ბრაიენი და ფილ სელუეი. 7 ოქტომბერი ამ სახელგანთქმული ბენდის სოლისტის, ტომ იორკის დაბადების დღეა და ამ სტატიაში სწორედ მის შესახებ 10 საინტერესო დეტალს გაგაცნობთ.

1. ტომ იორკს დაბადებიდან მარცხენა თვალი პარალიზებული ჰქონდა, რის გამოც ჯერ კიდევ ექვს წლამდე მას ხუთი ოპერაცია ჩაუტარდა. მოგვიანებით მან განაცხადა, რომ აღარ აპირებდა ოპერაციებისთვის მიემართა: "გადავწყვიტე, შევგუებოდი იმ ფაქტს, რომ სხვებისგან განვსხვავდები და წინააღმდეგობა არ გამეწია ამისთვის".

ფოტო: JASON EVANS

2. როცა Queen-ის Bohemian Rhapsody-ს პირველად მოუსმინა, სწორედ მაშინ გადაწყვიტა, რომ მუსიკოსობა სურდა.

ფოტო: Michel Linssen/Redferns/Getty Images

3. სკოლის დასრულების შემდეგ პირდაპირ უნივერსიტეტში არ ჩააბარა, რათა კარგად დაფიქრებულიყო, თუ რისი გაკეთება სურდა ცხოვრებაში. ამ პერიოდში ის სხვადასხვა სამსახურში მუშაობდა, მათ შორის კოსტიუმების გამყიდველადაც.

ფოტო: Andy Willsher/Redferns/Getty Images

4. ტომ იორკი დაქორწინებული იყო რეიჩელ ოუენზე და მათ ორი შვილი ჰყავთ - ნოე და აგნესი. 23 წლიანი თანაცხოვრობის შემდეგ ისინი 2016 წელს დაშორდნენ ერთმანეთს.

ტომ იორკი ამჟამად მსახიობ Dajana Roncione-ს ხვდება

ფოტო: Getty Image

5. ტომ იორკი Radiohead-ის დანარჩენ წევრებს ოქსფორდის საჯარო სკოლაში შეხვდა და მაშინ გადაწყვიტეს ბენდის შექმნა.

ფოტო: Bob Berg/Getty Images

6. მათ ბენდს თავიდან On A Friday ერქვა და მხოლოდ 1991 წელს ეწოდა Radiohead.

ფოტო: Getty Images

7. თავიანთ ბენდს სახელი ცნობილი ამერიკული როკ-ჯგუფის Talking Heads-ის 1986 წელს გამოშვებულ ალბომ True Stories-ში შესული სინგლის Radio Head-ის გავლენით დაარქვეს.

ტომ იორკი Talking Heads-ის წევრთან, დევიდ ბირნთან ერთად

ფოტო: WIRED

8. ტომ იორკმა თავისი პირველი სოლო ალბომი 2006 წელს გამოუშვა, სახელწოდებით The Eraser.

ფოტო: Rolling Stones

9. ტომ იორკი კლიმატის ცვლილების აქტივისტია და ჯერ კიდევ 2000-იანების დასაწყისიდან აქტიურად იბრძვის ეკოლოგიური პრობლემების გასაპროტესტებლად. როგორც თავად ამბობს, ამ საკითხმა განსაკუთრებით მას შემდეგ დააფიქრა, რაც მამა გახდა.

ფოტო: Phil Fisk / Observer

10. ტომ იორკს ასევე უთანამშრომლია ისეთ ცნობილ შემსრულებლებთან, როგორებიც არიან Sparklehorse, Drugstore, PJ Harvey და Björk.