იუსტიციის მინისტრი, თეა წულუკიანი საკრებულოს დეპუტატისმ ილია ჯიშკარიანის მიმართ ბრალდებას გამოეხმაურა სექსუალუ ძალადობაზე და აღნიშნა, რომ ინფორმაცია კონკრეტული იყო:

"ვისურვებდი, რომ ეს ინფორმაცია არ დადასტურდეს, თუმცა იმდენად კონკრეტული და იმდენად ფაქტებითა და თარიღებით დასაბუთებული ინფორმაცია იყო, რომ გამომძიებელს მოუწევს სერიოზული საგამოძიებო მოქმედებების ჩატარება".

თეა წულუკიანის თქმით, საგამოძიებო ორგანომ საქმე მას შემდეგ აღძრა, რაც ქალმა საჯაროდ ისაუბრა. მისივე ცნობით, ინფორმაციის გამავრცელებელ თანამშრომელ ქალს აქამდე არ მიუმართავს პროკურატურისთვის.

დეპუტატს დაუკავშირდა TV პირველის ჟურნალისტი, თუმცა ილია ჯიშკარიანმა განაცხადა, რომ "შეუძლოდაა და ვერაფერს იტყვის".

თბილისის საკრებულოში ქართული ოცნების დეპუტატს, ილია ჯიშკარიანს თანამშრომელი სექსუალურ და ფიზიკურ ძალადობაში ადანაშაულებს. ძალადობის სავარაუდო მსხვერპლი მთავარ არხთან ყვება, რომ ჯიშკარიანმა მასზე სექსუალური ძალადობა სცადა, როცა გაქცევა მოახერხა, შემდეგ ფიზიკურად იძალადა. შინაგან საქმეთა სამინისტრომ გამოძიება სამი მუხლით დაიწყო.

ამავე თემაზე: