შინაგან საქმეთა სამინისტროში აცხადებენ, რომ ქართული ოცნების დეპუტატის სავარაუდო ძალადობაზე გამოძიება სისხლის სამართლის კოდექსის სამი მუხლით მიმდინარეობს.

უწყებაში On.ge-ს უთხრეს, რომ გამოძიება დაწყებულია 126-ე, 138-ე და 187-ე მუხლებით, რაც ძალადობას, სექსუალური ხასიათის სხვაგვარ ქმედებას და სხვისი ნივთის დაზიანებას გულისხმობს. უწყების ცნობით, დეპუტატი უკვე გამოიკითხი და მიმდინარეობს საგამოძიება მოქმედებები.

თბილისის საკრებულოში ქართული ოცნების დეპუტატის, ილია ჯიშკარიანის თანამშრომელი მას სექსუალურ და ფიზიკურ ძალადობაში ადანაშაულებს. ძალადობის სავარაუდო მსხვერპლი მთავარ არხთან ყვება, რომ ჯიშკარიანმა მასზე სექსუალური ძალადობა სცადა, როცა გაქცევა მოახერხა, შემდეგ ფიზიკურად იძალადა.