კრიმინალური ავტორიტეტი შოთა ჭიჭიაშვილი უკრაინაში ჩატარებული სპეცოპერაციის დროს მოკლეს. ინფორმაცია ამის შესახებ უკრაინის შინაგან საქმეთა სამინისტრომ გაავრცელა საქართველოში კი დაადასტურეს.

როგორც უკრაინის შშს-ს მიერ გავრცელებულ ინფორმაციაში ვკითხულობთ, პოლიციამ მას დანებება შესთავაზა, თუმცა ჭიჭიაშვილი ორი ცეცხლსასროლი იარაღიდან ისროდა, რა დროსაც ის მოკლეს.

შოთა ჭიჭიაშვილის უკავშირებდნენ საქართველოში გახმაურებულ რამდენიმე კრიმინალურ შემთხვევას, მათ შორის გივი თარგამაძის აფეთქების მცდელობას, ჟურნალისტ გიორგი სანაიას მკვლელობას და ა.შ.