2018 წელს, წინა წელთან შედარებით, სახელმწიფო კომპანიებმა 160 მილიონი ლარით მეტი იზარალეს. თუკი 2017 წელს ეს მაჩვენებელი 644,5 მილიონი იყო, გასულ წელს 805,3 მილიონს გაუტოლდა. სახელმწიფო 67 საწარმოს ინფორმაცია 2019-2023 წლის ფისკალური რისკების ანალიზშია გაწერილი, რომელიც თან ერთვის მომავალი წლის ბიუჯეტის პროექტს.

დოკუმენტის მიხედვით, 2018 წლის ზარალით დაასრულეს სახელმწიფო კომპანიებმა: საქართველოს რკინიგზამ, ენერგოტრანსმა, საქართველოს მელიორაციამ, საქართველოს გაერთიანებული წყალმომარაგების კომპანიამ, მარაბდა-კარწახის რკინიგზამ.

"სახელმწიფო საწარმოების აქტივების ღირებულება 2018 წლისთვის შემცირდა 2%-ით, კაპიტალი შემცირდა 14%-ით, ხოლო ვალდებულებები გაიზარდა 8%-ით", — ვკითხულობთ დოკუმენტში.

2013 წლიდან 2018 წლის ჩათვლით ეს 67 საწარმო სახელმწიფოსთვის ზარალის მომტანია.

ფოტო: ფოტო 2020 წლის ბიუჯეტის პროექტიდან

ზარალი მუდმივად მზარდია, გამონაკლისი იყო 2016 წელი. ეს იმ მიზეზით, რომ 2015 წელს წინა წელთან შედარებით 8-ჯერ გაიზარდა.