დღეს, 30 სექტემბერს თბილისში, ყიფშიძის ქუჩაზე კაცი დაჭრეს. შინაგან საქმეთა სამინისტროში On.ge-ს ინფორმაცია დაუდასტურეს. შემთხვევა სამშენებლო კომპანია X2-ის ეზოში მოხდა.

მთავარი არხის ინფორმაციით, ორი კაცია დაშავებული, მათ შორის, ერთ-ერთი უკვე გადაიყვანეს საავადმყოფოში, მეორე კი ჯერჯერობით ადგილზეა.

შინაგან საქმეთა სამინისტროს ცნობით, გამოძიება სისხლის სამართლის კოდექსის 19-108-ე მუხლით დაიწყო, რაც განზრახ მკვლელობის მცდელობას გულისხმობს.