9 წლის გოგოს მკვლელობაში ბრალდებული აიგო ნებიერიძე სააპელაციო სასამართლომ უვადო პატიმრობაში დატოვა. ინფორმაციას პროკურატურა ავრცელებს.

იაგო ნებიერიძეს გორში მიმდინარე წლის 25 ოქტომბერს გაუჩინარებული ცხრა წლის ნანა ბერიაშვილის გატაცებასა და მკვლელობაში ედება ბრალი. ბავშვის ცხედარი იმავე დღეს საღამოს მდინარე ლიახვის ნაპირზე იპოვეს. ახლობლები ყვებიან, რომ გოგო ხელ-ფეხშეკრული იპოვეს.

გამოძიება წინასწარი შეცნობით არასრულწლოვნის მიმართ დამამძიმებელ გარემოებაში ჩადენილი განზრახ მკვლელობის ფაქტზე, საქართველოს სისხლის სამართლის კოდექსის 109-ე მუხლის მე-2 ნაწილის "ბ" ქვეპუნქტით მიმდინარეობს. გარდა ამისა, ბრალდებულს ბრალი დაუმძიმდა სისხლის სამართლის კოდექსის 141-ე მუხლით დაუმძიმდა, რაც გარყვნილ ქმედებას გულისხმობს.

ამასთანავე გამოძიება გრძელდება 14 წლის წინ გაუჩინარებული 11 წლის მოზარდის საქმეზეც.

შეწყალების კომისიის ყოფილი თავმჯდომარის, ზვიად ქორიძის განცხადებით, 9 წლის გოგოს მკვლელობაში ბრალდებული შეწყალებული იყო.