"რუსეთ-საქართველოს ომის შემდეგ რაღაც სამ თვეში ევროპა რუსეთთან ჩვეულ ურთიერთობას დაუბრუნდა და ეს უდიდესი შეცდომა იყო", — თქვა ესტონეთის პრეზიდენტმა კერსტი კალიულაიდმა ევროპეისკაია პრავდასთან ინტერვიუში ევროკავშირის მიერ რუსეთის მიმართ სანქციების მოხსნასთან დაკავშირებით დასმულ კითხვაზე საუბრისას.

მისივე განცხადებით, რუსეთის მიმართ სანქციები ევროკავშირისთვის მხოლოდ ყირიმის საკითხი არ არის, პრინციპის საკითხია.

"ეს წითელი ხაზია. რუსეთ-საქართველოს ომის შემდეგ რაღაც სამ თვეში ევროპა რუსეთთან ჩვეულ ურთიერთობას დაუბრუნდა და ეს უდიდესი შეცდომა იყო. ამან ზვავი გამოიწვია, რომლის შედეგიც ყირიმის ანექსია გახდა. მაშინ რუსეთმა იმის ფიქრის საფუძველი მიიღო, რომ კარგი, ისინი ჩვენ წინააღმდეგ რაღაცებს ამბობენ, მაგრამ სამ თვეში ყველაფერი დასრულდება. და ეს მართლაც დასრულდა! საქართველოსთან ომიდან სამ წელში რუსეთი ევროკავშირთან უკვე უვიზო რეჟიმზე აწარმოებდა მოლაპარაკებებს. ჩვენ ევროპამ გავიაზრეთ ჩვენი შეცდომა. ამ შემთხვევაში ჩვენ ვერ ვიტყვით, რომ კარგი, 2014 წელს რაღაც ცუდი მოხდა, მაგრამ მოდი გზა გააგრძელეთ. თუ ჩვენ საქართველო გადავყლაპეთ, თუ გადავყლაპავთ ყირიმის, მაშინ შემდეგი წითელი ხაზი იქნება, რომელსაც რუსეთი გადაკვეთს", — განაცხადა პრეზიდენტმა.