ეპოქალური შოუს, მეგობრების გულშემატკივრებისთვის, რომლებიც ჯერ კიდევ ელოდნენ, რომ მათი საყვარელი ექვსი გმირი ტელეეკრანებზე დაბრუნდებოდა, მართა კაუფმანსა და დევიდ კრეინს არც ისე კარგი სიახლე აქვთ.

როგორც მათ ტრიბეკას სატელევიზიო ფესტივალზე განაცხადეს, შოუ არ განახლდება.

"მათ არ დავაბრუნებთ და არც რიბუთს ვგეგმავთ. სერიალი ცხოვრების იმ მონაკვეთს ეკუთვნოდა, როცა მეგობრები ჩვენი ოჯახის წევრები იყვნენ", — თქვა მარტამ.

"ჩვენ გავაკეთეთ ის, რისი კეთებაც გვინდოდა. ეს კარგად გამოგვივიდა და ჩვენ ის დავასრულეთ", — დასძინა კრეინმა.

მეგობრების პირველი სერია 1994 წლის 22 სექტემბერს გავიდა ამერიკული ტელეარხის, NBC-ის ეთერში, თუმცა შოუ დღემდე სუპერპოპულარულია.