სახალხო დამცველის განცხადებით, 8 ოქტომბრის საპარლამენტო არჩევნებზე კენჭისყრის პროცესმა დიდწილად მშვიდ ვითარებაში ჩაიარა. ამასთან, ომბუდსმენის განცხადებით, მონიტორებმა დააფიქსირეს ძალადობის ცალკეული ფაქტები, მათ შორის მარნეულში 48-ე უბანთან შექმნილი ვითარება.

სახალხო დამცველის ცნობით, მათ დაიწყეს თბილისში ერთიანი ნაციონალური მოძრაობის ორი წარმოამდგენლის ცემის ფაქტის შესწავლა.

ომბუდსმენი მიიჩნევს, რომ კენჭისყრის პროცედურათა დარღვევების დიდი ნაწილი განპირობებული იყო საუბნო საარჩევნო კომისიის წევრთა არასაკმარისი მომზადებით:

"გამოიკვეთა საკონტროლო ფურცლების არასწორად შევსების სამი აფქტი, კენჭისყრის ბიულეტენების დაგვიანებით მიწოდება 16 უბანზე, დაბრკოლებებით დამკვირვებლის უფლებების განხორციელების დროს, აგიტაცია საარჩევნო სუბიექტების მხრიდან, ასევე შეზღუდული შესაძლებლობის მქონე პირთა სავარაუდო დარღვევის ორი შემთხვევა".