პატრიოტთა ალიანსის დეპუტატმა ირმა ინაშვილმა ემზარ კვიციანის მხრიდან გინებასა და ფიზიკურ შეურაცხყოფაში #სირცხვილიას აქტივისტები დაადანაშაულა და თქვა, რომ კვიციანი პროვოკაციას წამოეგო.

"ემზარ კვიციანი მიემართებოდა არა აქტივისტებისკენ, არამედ ტაქსისკენ, რომელიც გამოძახებული ჰყავდა. ძალადობა ემზარ კვიციანზე განხორციელდა და გამოიხატებოდა იმ ფორმებში, რასაც მიმართავენ პროვოკატორები. ეს არის მოღალატის ძახილი. დაუძახო მოღალატე ადამიანს არის მორალური ტანჯვის ტოლფასი", — განაცხადა მან.

ირმა ინაშვილმა მიმართა #სირცხვილიას აქტივისტებს, რომ აჩვენებს, როგორც უნდა აქციების მოწყობა და"სირცხვილიას" ძახილი.

"მივმართავ შსს-ს — დეპუტატი, პირველ რიგში, არის ადამიანი, მერე არის დეპუტატი. ყველას აქვს ღირსება. ემზარ კვიციანი იცავდა თავის ღირსებას, ფორმაზე შეგვიძლია ვიკამათოთ. თუ თქვენ მიმიყვანთ ისეთ ემოციურ აფეთქებამდე, რომ გამომიყვანთ მდგომარეობიდან, ეს არის სისხლის სამართლის დანაშაული და თქვენ დაისჯებით, მე კი არა", — განაცხადა დეპუტატმა.

8 სექტემბერს პარლამენტთან ცხვრების მიყვანის შემდეგ პატრიოტთა ალიანსის დეპუტატი, ემზარ კვიციანი პარლამენტის შენობიდან გამოვიდა და აქციის მონაწილეებს სიტყვიერი და ფიზიკური შეურაცხყოფა მიაყენა.

ამავე თემაზე: