ბოიკოტის მიუხედავად, პარტია ევროპული საქართველო პრემიერ-მინისტრობის კანდიდატის, გიორგი გახარიას მთავრობას ფრაქციის ფორმატში მოუსმენს. მინისტრობის კანდიდატების მოსმენა ხვალ, 6 სექტემბერს, 16:00 საათზეა ჩანიშნული.

ამ დრომდე უცნობია ნაციონალური მოძრაობის პოზიცია, მოუსმენს თუ არა გახარიას მთავრობას. ფრაქციების ფორმატში შაბათს, 7 სექტემბერს გახარია ახალი მთავრობითა და პროგრამით ქართულ ოცნებასთან და პატრიოტთა ალიანსთან წარსდგება.

საქართველოს პარლამენტში მთავრობის დამტკიცების პროცედურა 4 სექტემბერს დაიწყო. მინისტრთა კაბინეტის საკომიტეტო მოსმენას ბოიკოტი გამოუცხადეს ევროპული საქართველოსა და ნაციონალური მოძრაობის დეპუტატებმა.

ოპოზიციონერი დეპუტატები გიორგი გახარიას პრემიერ-მინისტრად წარდგენას აპროტესტებდნენ. ამ პოსტზე გახარიას წარდგენის შემდეგ პარლამენტთან და ქართული ოცნების ოფისთან რამდენიმე აქცია გაიმართა. აქციებს ერთ-ერთი ორგანიზატორი მოძრაობა #სირცხვილიაა, რომელიც 70 დღეზე მეტია შინაგან საქმეთა მინისტრის პოსტიდან გიორგი გახარიას გადადგომას ითხოვდა. 2 სექტემბერს მამუკა ბახტაძემ პრემიერ-მინისტრის პოსტი დატოვა. ქართულმა ოცნებამ ამ თანამდებობაზე გიორგი გახარია წარადგინა.