ცენტრალურ საარჩევნო კომისიაში 11 საათზე გამართულ ბრიფინგზე სპიკერმა ანა მიქელაძემ ისაუბრა ამომრჩევლების აქტივობის შესახებ 10 საათის მდგომარეობით. მისი განცხადებით, ყველა საარჩევნო უბანზე დაფიქსირებული აქტივობა 8,34%-ია, რაც გულისხმობს 292 957 ამომრჩეველს. ცესკოში ამომრჩეველს აქტიურობისკენ მოუწოდებენ.

საქართველოს მოქალაქეებს დილის 08:00 საათიდან აქვთ შესაძლებობა, ხმა მისცენ ქვეყნის მასშტაბით გახსნილ 3645 საარჩევნო უბანზე. ეტაპობრივად გაიხსნება 40 ქვეყანაში გახსნილი 55 უბანი საზღვარგარეთ მყოფი პირებისთვის. მოსახლეობა მეცხრე მოწვევის 150 დეპუტატს ირჩევს, 77-ს პროპორციული სიით, ხოლო 73-ს - მაჟორიტარულ ოლქში.

აჭარის მოსახლეობა ასევე ირჩევს უმაღლესი საბჭოს დეპუტატებს. ზოგ რაიონში ტარდება მერის არჩევნებიც.