მოსკოვის პროკურატურა ითხოვს, რომ ოპოზიციის აქციაში მონაწილეობისთვის მშობლის უფლებები მრავალშვილიან წყვილს ჩამოერთვას. BBC-ის ინფორმაციით, პროკურატურის სარჩელის საფუძველი გახდა შვილებთან ერთად პიოტრ და ელენა ხომსკების მონაწილეობა 3 აგვისტოს აქციაში.

როგორც პროკურატურის სარჩელში წერია, ცოლ-ქმარმა მიზანმიმართულად მიიყვანა შვილები "აგრესიულად განწყობილ დემონსტრანტებთან" და სპეცსამსახურების თანამშრომლებთან, რათა თავიანთი დაკავება აეცილებინათ თავიდან.

ეს უკვე მეორე შემთხვევაა, როდესაც პროკურატურა აქციაში შვილებთან ერთად მისვლისთვის მშობლის უფლებები ჩამორთმევას ითხოვს. 6 აგვისტოს ცნობილი გახდა, რომ მოსკოვის პროკურატურის მშობლის უფლების ჩამორთმევას ითხოვს, ოლგა და დიმიტრი პროკაზოვებისგან, რადგან 27 ივლისის საპროტესტო აქციაზე თავიანთი შვილი სხვა ადამიანს გადასცეს. როგორც შემდგომში აღმოჩნდა, ეს ადამიანი ოჯახის ახლობელი იყო.