ფოტოსურათები, რომლებიც 1957 წელს ჩრდილოეთ ფილადელფიაში დაიბეჭდა, გეი წყვილის ქორწილშია გადაღებული. ეს იმ პერიოდის ამერიკაა, რომელშიც ერთნაირსქესიანთა ქორწინება აკრძალული იყო. ეს უფლება მთელ ამერიკაში მცხოვრებმა ჰომოსექსუალებმა 2015 წლის 26 ივნისს მიიღეს.

საინტერესო ფაქტი ისაა, რომ სურათებს ამბის მთავარ გმირებამდე არასდროს მიუღწევია. მათში ასახულია ცერემონიალი, რომელშიც შეყვარებული კაცები ერთმანეთს ბეჭდებს დამსწრეების წინაშე ცვლიან, კოცნიან ერთმანეთს, ცეკვავენ, ხსნიან საჩუქრებს, ჭრიან საქორწინო ტორტს და ა.შ.

როგორც ცნობილია, იმ ადგილის თანამშრომლებმა, სადაც ფოტოები დაიბეჭდა, გადაწყვიტეს, რომ სურათები მიუღებელი იყო და უარი განაცხადეს, ახალდაქორწინებულთათვის ისინი დაებრუნებინათ.

60 წლის შემდეგ, სურათები ხელმეორედ აღმოაჩინეს და ახლა ისინი არქივში ინახება. რეჟისორი პი ჯეი პალმერი წლებია უშედეგოდ ეძებს წყვილს და მათთან დამაკავშირებელი კვალის პოვნას ცდილობს. თუმცა, სურათებში გადაღებული წყვილი შესაძლოა ახლა ცოცხალი აღარც იყოს.