გორის მერიის პრესსამსახურის ცნობით, სოფელ საყავრესთან ხანძრის ქრობის სამუშაოებში გორის მერი, კონსტანტინე თავზარაშვილიც ჩაერთო. ფოტოები თავზარაშვილის Facebook გვერდზე ვრცელდება.

პრესსამსახურში აზუსტებენ, რომ მერიის თანამშრომლები პროცესში მეხანძრეებთან ერთად ერთ-ერთი პირველები ჩაერთნენ.

ფოტო: კონსტანტინე თავზარაშვილი გორის მერი / FB

საგანგებო სიტუაციების მართვის სამსახურის ინფორმაციით, გორის მუნიციპალიტეტში, სოფელ საყავრესთან ტყის მასივში ღია ცეცხლის კერა აღარ აღინიშნება. უწყებაში ამბობენ, რომ მიმდინარეობს ცალკეული მონაკვეთების დამუშავება, როგორც ცოცხალი ძალის, ისე ვერტმფრენების საშუალებით.

სოფელში ხანძარს მეორე დღეა აქრობენ. უწყების განცხადებით, მთელი ღამის განმავლობაში ადგილზე მუშაობდა თბილისის, შიდა ქართლის, იმერეთის, სამცხე-ჯავახეთის, ქვემო ქართლისა და მცხეთა-მთიანეთის სახანძრო-სამაშველო ჯგუფები. სულ 250-მდე მეხანძრე-მაშველი. პროცესში ჩართული იყო დამხმარე ტექნიკა და ორი ვერტმფრენი. დღეს კი სამუშაოებში მესამე ვერტმფრენი ჩაერთო.