მმართველი პარტიის დეპუტატი ბიძინა გეგიძე ამბობს, რომ ქართული ოცნებიდან წავა თუ უზენაესი მოსამართლეების ახალი სია არ მოეწონება. მისი თქმით, გადაწყვეტილების მიღებამდე ჯერ სია საფუძვლიანად უნდა შეისწავლოს.

"თუ ეს სია ვერ დაიმსახურებს ჩემს მხარდაჭერას, რა თქმა უნდა, იმდენად მნიშვნელოვანია ეს თემა ჩემთვის, რომ მე უმრავლესობიდან უნდა წავიდე, თუ უმრავლესობა მას მხარს დაუჭერს", — აცხადებს გეგიძე.

მოსამართლეთა სია და კანონპროექტი მმართველ გუნდში განხეთქილების მიზეზი გახდა. სხვადასხვა დროს ამ საკითხის გამო უმრავლესობა დატოვეს ეკა ბესელიამ, ლევან გოგიჩაიშვილმა, გედევან ფოფხაძემ, ბექა ნაცვლიშვილმა, ლევან კობერიძემ და ზვიად კვაჭანტირაძემ.