გერმანიაში, შტუტგარტში აგვისტოს ომის 11 წლისთავთან დაკავშირებით მცირემასშტაბიანი აქცია გაიმართა. აქციის ფოტოები On.ge-ს მკითხველმა მიაწოდა.

2008 წლის აგვისტოში რუსეთი საქართველოს ტერიტორიაზე შემოიჭრა და საომარი მოქმედებები დაიწყო. ომის დროს ყველაზე მძიმედ გორი დაზარალდა, სადაც საცხოვრებელი კორპუსებიც დაიბომბა.

აგვისტოს ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა. ჯანდაცვის სამინისტროს მონაცემებით, დაჭრილ/დაშავებულ სამოქალაქო და სამხედრო პირთა რაოდენობა სულ 2 232 პირს შეადგენს. მათ შორის, 1045 სამხედრო მოსამსახურე იყო. ომიდან 11 წელის შემდეგ რუსეთი კვლავ არღვევს სუვერენული სახელმწიფოს საზღვრებს, იტაცებს ხალხს და ოკუპაციის პირობებში აცხოვრებს საქართველოს.

ამავე თემაზე: