ჩრდილოეთ რუსეთში სარაკეტო ძრავის გამოცდის დროს აფეთქება მოხდა და ორი ადამიანი გარდაიცვალა. უცხოური მედიის ინფორმაციით, აფეთქებით რადიაციის დონე გაიზარდა. ამ კვირაში ეს მეორე სასიკვდილო ინციდენტია, რომელიც თავდაცვითი სისტემის გამოცდის დროს მოხდა.

რუსეთის თავდაცვის სამინისტროს განმარტებით, აფეთქება არხანგელსკის რეგიონში, სამხედრო წვრთნების ადგილას მოხდა, სადაც სპეციალისტები თხევადი საწვავის თვითმფრინავზე მუშაობდნენ. დაშავებულებს შორის არიან სამხედრო სპეციალისტები და რაკეტის ძრავის ინჟინრები.

რუსეთის სახელმწიფო საკუთრებაში არსებული სააგენტო Tass-ის ინფორმაციით, აფეთქების ტერიტორიასთან ახლომდებარე ქალაქ სევეროდვინსკში რადიაციის დონე მოულოდნელად გაიზარდა. თავდაცვის მინისტრი კი საპირისპიროს ამტკიცებს, მისი განმარტებით, რადიაციის დონე ნორმალურია დაატმოსფეროსთვის ზიანს არ წარმოადგენს.

ზოგიერთი ადგილობრივი მედია ავრცელებდა ინფორმაციას, რომ აფეთქება მოხდა გემბანზე, რუსები სამხედრო მოხსენებაში ამბობდნენ, რომ აფეთქება ხმელეთზე მოხდა. რუსეთის უწყებები აგრძელებენ სამხედრო ინსტალაციების დამალვას ამ რეგიონში, სადაც ბირთვული წყალქვეშა ნავები ჰყავს განლაგებული.

თავდაპირველად გავრცელებული ცნობების თანახმად, რადიაციის დონე გაზრდილი იყო ქალაქ ნინოოკის მახლობლადაც. ეს ქალაქი ბირთვული რაკეტების გამოსაცდელი ადგილია.

The Guardian წერს, რომ ამ კვირის დასაწყისში, ციმბირშ, საბრძოლო მასალის საცავში გაჩენილმა ცეცხლმა 16 500-ზე მეტი ადამიანი იძულებული გახადა დაეტოვებინათ საკუთარი სახლები. აფეთქებული ჭურვები რამდენიმე კილომეტრის მანძილზე დაფრინავდნენ. ხანძრის შედეგად დაიღუპა ერთი და დაშავდა 13 ადამიანი. მეხანძრეებს ცეცხლის ჩასაქრობად 16 საათზე მეტი დასჭირდათ. გამომძიებლები ციმბირში აფეთქებას დაუდევრობას უკავშირებენ და ხანძარს "ადამიანურ ფაქტორებს" აბრალებენ.