ექსპრეზიდენტმა მიხეილ სააკაშვილი ამბობს, რომ აგვისტოს ომისას ცხინვალზე შეტევა რუსული აგრესიის ადეკვატური პასუხი იყო და არა თავდასხმა. მისივე თქმით, ქართველი ჯარისკაცები გაფრთხილებული იყვნენ რომ ადამიანური ღირებულებები დაეცვათ და ოსი მოსახლეობისთვის არაფერი დაეშავებინათ. ასე უპასუხა მან IWPR-თან ინტერვიუში ბრალდებებს იმის შესახებ, რომ ომისას მძინარე ცხინვალი დაბომბეს.

"როდესაც სამხედრო ოპერაციას მართავ, ამ დროს საომარი პროტოკოლი მოქმედებს. შენ აღარ იღებ ადაწყვეტილებებს პოლიტიკურად... რა თქმა უნდა, ჩვენი სამხედროებს ბრძანება ჰქონდათ, რომ ადამიანური ღირებულებები დაეცვათ. The Human Rights Watch-ის ანგარიშში გარკვევით წერია, რომ როცა ქართველი ჯარისკაცები ოსურ სოფლებში შევიდნენ და ხალხს უთხრეს: "არ ინერვიულოთ, მიშამ [სააკაშვილი] თქვა, რომ არაფერი დაგიშავდეთ". ეს დამოკიდებულება გვქონდა. მათ იცოდნენ, რომ ნორმები უნდა დაეცვათ და თავად გადაეწყვიტათ რა ძალას გამოიყენებდნენ მოწინააღმდეგესთან", — განმარტავს ის.

2014 წელს, დეპუტატობისას და მოგვიანებით, საპრეზიდენტო კამპანიის დროს, ამჟამინდელმა პრეზიდენტმა, სალომე ზურაბიშვილმა სააკაშვილი მძინარე ცხინვალის დაბომბვაში დაადანაშაულა. ეს თემა აქტიურად განხილვადი გახდა პოლიტიკურ წრეებში. ოპოზიციაში ამბობენ, რომ მსგავსი განცხადებები რუსული ნარატივის გავრცელებას უწყობს ხელს. მმართველ გუნდში კი აცხადებენ, რომ ომი სააკაშვილის არასწორმა პოლიტიკამ გამოიწვია.