იუსტიციის უმაღლესი საბჭოს არამოსამართლე წევრის ნაზი ჯანეზაშვილის თქმით, იუსტიციის საბჭოს მდივანი და უზენაესის მოსამართლეობის კანდიდატი, გიორგი მიქაუტაძე ერთადერთია საბჭოს წევრებიდან, რომელიც მას გამარჯობას ეუბნება. ამავეს ამბობს, სხვა არამოსამართლე წევრი ანა დოლიძე.

გიორგი მიქაუტაძეს თქმით, ის კარგად გაზრდილი ადამიანია და გამარჯობას ყველას ეუბნება, თუმცა აქვე აღნიშნავს, რომ არ ჰქონია რომელიმე წევრი უარს ამბობდეს გამარჯობაზე.

"მე ვერ გამახსენებთ ვერც ერთ შემთხვევას, როცა უპატივცემულობა გამოვიჩინე თქვენს მიმართ და პრეტენზიასაც ვაცხადებ, რომ კარგად გაზრდილი ადამიანი ვარ და გამარჯობას ყველას ვეუბნები, ვისაც ვიცნობ. თუმცა არც ის მგონია, რომ რომელიმე წევრი უარს გეუბნებოდეთ გამარჯობის თქმაზე", — განაცხადა გიორგი მიქაუტაძემ გასაუბრების მიმდინარეობისას.

იუსტიციის უმაღლეს საბჭოში უზენაესი სასამართლოს მოსამართლეობის კანდიდატთან, იუსტიციის უმაღლესი საბჭოს მოქმედ მდივანთან, გიორგი მიქაუტაძესთან გასაუბრება მიმდინარეობს.

არასამთავრობო სექტორი და იუსტიციის საბჭოს არამოსამართლე წევრები გიორგი მიქაუტაძის კანდიდატურას ამ დრომდე აკრიტიკებენ. ისინი მიქაუტაძეს ე.წ. ჩინჩალაძე-მურუსიძის კლანის წევრად მოიხსენიებენ და მოსამართლეების შერჩევის პროცესში ინტერესთა კონფლიქტზე საუბრობენ.

გიორგი მიქაუტაძის გასაუბრება

იუსტიციის უმაღლეს საბჭოში უზენაესის მოსამართლეობსი 50 კანდიდატთან გასაუბრებები მიმდინარეობს, რომლის დასრულების შემდეგაც საბჭომ პარლამენტს 18 მოსამართლეობის კანდიდატი უნდა წარუდგინოს. პროცედურულად, პარლამენტმა სამუშაო ჯგუფში თითოეული კანდიდატი უნდა განიხილოს, ჩაატაროს გასაუბრება და შემდეგ, პარლამენტის პლენარულ სხდომაზე თითოეულ მათგანს კენჭი უყაროს.