რუსთავი 2-ის ყოფილი გენერალური დირექტორი, ნიკა გვარამია ელის, რომ მას დააკავებენ. უფლებამოსილების ბოროტად გამოყენების საქმეზე გვარამია სასამართლოში მაგისტრ მოსამართლესთან გამოკითხვაზე მივიდა. ის ამბობს, რომ ამ საქმეში უდანაშაულოა.

"მე ვიცი რომ დანაშაული არ ჩამიდენია. ისე, რომ მჭირდებოდეს, იურისტი ვარ და შემიძლია რომ კვალი არ დავტოვო. თან ძალიან კარგი იურისტი ვარ. რა თქმა უნდა შესაძლებელია ბრალდებილი გავხდე, კუპრავას ჩემზე უფრო ნაკლები გინებისთვის 9 თვე შეუფარდეს და ეს გახდებო ქრესტომათიული საქმე მთელი ევროპის მასშტაბით.", — უთხრა გვარამიამ ჟურნალისტებს.

რუსთავი 2-ის 9-პროცენტიანი წილის ყოფილი მფლობელის, ნინო ნიჟარაძის ადვოკატმა, გიორგი ყავლაშვილმა გენერალურ პროკურატურაში ნიკა გვარამიას წინააღმდეგ საჩივარი შეიტანა. ნინო ნიჟარაძე ტელეკომპანიის დირექტორის მიერ უფლებამოსილების ბოროტად გამოყენების მუხლით გამოძიების დაწყებას ითხოვდა.

გამოძიების ფარგლებში პროკურატურა ტელეკომპანია რუსთავი 2-ის კონტრაქტორი საწარმოებიდან, მათ შორის ინტერ მედია და ინტერ მედია პლიუსიდან გამოძიებისთვის საჭირო დოკუმენტაციასა და ელექტრონულ ინფორმაციას ამოიღებენ.