"დარწმუნებული არ ვარ, რომ გაუფასურება უკვე აისახა ფასებზე. მგონია, რომ არ გაზრდილა", — ამის შესახებ თბილისის მერმა, კახა კალაძემ ლარის გაუფასურებასთან დაკავშირებით თქვა.

მისი განცხადებით, თუ ტენდენცია შენარჩუნდება და ლარი კიდევ გაუფასურდება, ეს ფასებზე იმოქმედებს.

"მნიშვნელოვანია, ეროვნული ბანკის სწორი ნაბიჯები, რომ გაუფასურების ტენდენცია შეჩერდეს და გადაიდგას ნაბიჯები, რომ ლარი დასტაბილურდეს", — აღნიშნა კალაძემ.

ეროვნული ბანკის პირველი აგვისტოს გაცვლითი კურსით, ლარი ევროსთან და დოლართან მიმართებით ისევ გაუფასურდა.