რუსული დამოუკიდებელი მედიის, დოჟდის ინფორმაციით, მათ სერვერებზე ჰაკერული თავდასხმა განხორციელდა. რამდენიმე წუთის განმავლობაში დოჟდის ვებგვერდზე შესვლა ვერ ხერხდებოდა საქართველოდანაც.

თავდასხმის გასაპროტესტებლად ტელეკომპანიის ვებგვერდზე გაჩნდა წარწერა: "ღია პირდაპირი ეთერი. არ გეშინოდეს იყო თავისუფალი!" (Открытый эфир Дождя. Не бойся быть свободным!)

ამ მოვლენას წინ უძღოდა ტელეკომპანიის ოფისში პოლიციის მისვლა და მთავარი რედაქტორის დაკითხვაზე დაბარება. რედაქტორს რუსეთში მიმდინარე საპროტესტო აქციების თემაზე დაიბარეს.

დოჟდი მთელი დღის განმავლობაში პირდაპირ ეთერში გადასცემს და ვებგვერდზე აქვეყნებს ინფორმაციას საპროტესტო აქციების შესახებ, სადაც უკვე 900 ადამიანი დააკავეს.